SQE1 Cwestiynau enghreifftiol

Cwestiwn 8

Mae cyfreithiwr yn gweithredu ar ran tenant safle busnes mewn cysylltiad â chais i roi tenantiaeth newydd, wedi i’r tenant gyflwyno (serve) cais o dan a.26 o Ddeddf Landlord a Thenant 1954 (Deddf 1954).

Er nad yw’r landlord yn gwrthwynebu rhoi tenantiaeth newydd, mae’r tenant yn poeni na fyddant yn dod i gytundeb ar delerau’r denantiaeth newydd.

Mae’r cyfreithiwr yn cynghori’r tenant bod gan y llys, os na cheir cytundeb, y pŵer i orchymyn rhoi tenantiaeth newydd am gyfnod newydd.

Mae’r tenant wedi gofyn am eglurhad ynglŷn â hyd a lled pwerau’r llys.

Os nad yw’r landlord a’r tenant yn cytuno ar delerau’r denantiaeth newydd, pa orchymyn all y llys ei wneud?

A. Dim ond ar yr un telerau â’r denantiaeth bresennol y gall y llys orchymyn rhoi tenantiaeth newydd.

B. Dim ond ar yr un telerau â’r denantiaeth bresennol y gall y llys orchymyn rhoi tenantiaeth newydd, heblaw mewn perthynas â rhent.

C. Dim ond ar yr un telerau â’r denantiaeth bresennol y gall y llys orchymyn rhoi tenantiaeth newydd, am gyfnod nad yw’n fwy na 15 mlynedd.

D. Dim ond ar delerau y mae e’n eu pennu o dan Ddeddf 1954 y gall y llys orchymyn rhoi tenantiaeth newydd, a hynny am gyfnod nad yw’n fwy na 15 mlynedd.

E. Dim ond ar yr un telerau â’r denantiaeth bresennol y gall y llys orchymyn rhoi tenantiaeth newydd ac wedi ei chontractio allan o Ddeddf 1954.