SQE1 Cwestiynau enghreifftiol

Cwestiwn 35

Mae tri dyn a menyw yn mynd i mewn i swyddfa lle mae’r fenyw yn gweithio rhwng 9am a 5pm o ddydd Llun i ddydd Gwener. Mae’r grŵp yn mynd i mewn i’r swyddfa am 10pm ar nos Sadwrn i gael parti. Mae’r fenyw’n defnyddio ei hallweddi/goriadau i’w gadael nhw i mewn.

Ar ôl hanner awr maent yn diflasu ac felly mae un o’r grŵp yn awgrymu eu bod yn edrych o amgylch y swyddfa i weld a oes unrhyw alcohol y gallant ei ddwyn. Tra eu bod yn y swyddfa mae’r grŵp yn chwilio drwy’r droriau ac yn dod o hyd i wisgi ac yn ei yfed. Maent hefyd yn dod o hyd i £300 ac yn ei ddwyn.

Pa un o’r canlynol yw’r disgrifiad gorau ynghylch a ydynt yn euog o fwrgleriaeth?

A. Maent i gyd yn ddieuog gan nad ydynt wedi mynd i mewn fel tresmaswyr gan fod y fenyw’n gweithio yn y swyddfa ac mae ganddi ganiatâd i fynd i mewn.

B. Dim ond y dynion sy’n euog gan nad yw’r fenyw yn dresmaswr am ei bod yn gweithio yn y swyddfa ac mae ganddi ganiatâd i fynd i mewn.

C. Maent i gyd yn euog gan eu bod wedi mynd i mewn fel tresmaswyr ac yna wedi dwyn ar ôl mynd i mewn i’r swyddfa.

D. Maent i gyd yn ddieuog gan nad ydynt wedi defnyddio grym i fynd i mewn i’r swyddfa.

E. Maent i gyd yn euog gan fod bwriad i ddwyn wedi’i ffurfio ar adeg mynd i mewn i’r swyddfa.