SQE1 Cwestiynau enghreifftiol

Cwestiwn 11

Mae cyfreithiwr yn gweithredu ar ran unigolyn sy’n prynu eiddo yn Lloegr sydd â theitl cofrestredig.

Mae’r unigolyn yn prynu’r eiddo gyda chymorth morgais.

Mae contractau wedi’u cyfnewid, mae’r gofynion ar y teitl (requisitions on title) wedi’u gwneud, ac mae’r cyfreithiwr wedi cynnal chwiliad swyddogol gyda blaenoriaeth (OS1).

Ar ôl cwblhau, bydd angen i’r cyfreithiwr ddelio â materion ôl-gwblhau sy’n cynnwys talu Treth Dir y Dreth Stamp (Stamp Duty Land Tax - SDLT) i Gyllid a Thollau Ei Fawrhydi a chofrestru’r trafodiad yn y Gofrestrfa Tir.

Rhaid cofrestru yn y Gofrestrfa Tir o fewn 30 diwrnod gwaith ar ôl pa ddyddiad?

A. Y dyddiad cyfnewid contractau, fel nad oes llog (interest) yn dod yn daladwy ar yr SDLT sy’n ddyledus.

B. Y dyddiad cwblhau, fel nad oes llog (interest) yn dod yn daladwy ar yr arian cwblhau sy’n ddyledus.

C. Y dyddiad cwblhau, fel nad yw teitl ecwitïol yn yr eiddo yn dychwelyd i’r gwerthwr.

D. Dyddiad canlyniad yr OS1, fel nad oes cofnodion dilynol yn cael eu gwneud ar y teitl sy’n rhwymo’r prynwr.

E. Y dyddiad cwblhau, i atal pŵer y morgeisai (mortgagee) i werthu rhag codi o dan yr arwystl cyfreithiol (legal charge).