SQE1 Cwestiynau enghreifftiol

Cwestiwn 12

Mae cleient wedi ymrwymo i gontract i werthu ei thŷ hi.

Ar ôl cyfnewid contractau, mae’r cleient yn gofyn am gyngor ynghylch a gaiff hi gadw’r ffitiad golau yn yr ystafell fyw. Mae wedi’i osod ar y nenfwd gyda thair sgriw fach a diweddar dad y cleient a wnaeth y ffitiad golau.

Ni chyfeirir at y ffitiad golau yn y contract.

A oes modd i’r cleient dynnu’r ffitiad golau o’r tŷ cyn cwblhau?

A. Nac oes, gan fod y ffitiad golau’n debygol o fod yn osodiad (fixture) gan fod cysylltiad cryf yn ei ddal yn ei le.

B. Nac oes, oherwydd byddai tynnu’r ffitiad yn golygu bod un o delerau ymhlyg (implied) y contract yn cael ei dorri gan na fyddai golau yn yr ystafell pan fydd y perchnogion newydd yn symud i mewn.

C. Nac oes, gan fod unrhyw eitem mewn eiddo yn rhan barhaol o’r tir ac ni cheir ei dynnu.

D. Oes, gan fod y ffitiad golau’n debygol o fod yn siatel am mai prin yw’r cysylltiad sy’n ei ddal yn ei le.

E. Oes, gan fod modd bob amser dynnu eitemau sydd â gwerth sentimental.