SQE1 Cwestiynau enghreifftiol

Cwestiwn 57

Mae cwmni o gyfreithwyr yn gweithredu ar ran ysgutorion (executors) ystad dyn a fu farw. Mae newydd gael y grant profiant (grant of probate). Wrth wneud cais am y grant profiant, talodd y cwmni’r ffi berthnasol i’r gwasanaeth profiant, sef £300, o’i gyfrif banc busnes. Mae’r cwmni’n cael £5,225 gan fanc y dyn a fu farw, sef y balans a oedd gan y dyn a fu farw wrth gau ei gyfrif, ac mae’r cwmni’n talu’r swm hwnnw i mewn i gyfrif banc cyffredinol i gleientiaid y cwmni.

Mae’r cwmni wedi cael anfoneb am £200 (dim TAW yn daladwy), ond nid yw wedi ei thalu eto. Mae’r anfoneb wedi’i chyfeirio at y cwmni gan brisiwr lleol a ddarparodd brisiad profiant (probate valuation) ar ddodrefn y dyn a fu farw.

Mae’r cwmni’n cyflwyno bil i’r ysgutorion fel a ganlyn:

Costau proffesiynol £1,000
TAW  £200
Alldaliad (disbursement) wedi ei dalu (ffi profiant) £300
Alldaliad heb ei dalu (ffi prisio) £200
Cyfanswm £1,700

Beth yw’r uchafswm y gall y cwmni ei drosglwyddo i gyfrif banc busnes y cwmni?

A. £1,000

B. £1,300

C. £1,200

D. £1,400

E. £1,700