SQE1 Cwestiynau enghreifftiol

Cwestiwn 32

Mae dyn yn berchen ar rydd-ddaliad (freehold) adeilad masnachol ac mae’n bwriadu rhoi les yr adeilad i gwmni yswiriant.

Mae’r dyn wedi’i gofrestru ar gyfer Treth ar Werth (TAW) a, chyn rhoi’r les, mae’n dewis opsiwn i drethu’r adeilad.

Wrth gynnal ei fusnes, mae’r cwmni yswiriant dim ond yn creu cyflenwadau sydd wedi’u heithrio at ddiben TAW.

Yn sgil dewis y dyn ynghylch trethu’r adeilad, beth fydd yr effaith ar y rhent sy’n daladwy i’r dyn gan y cwmni yswiriant?

A. Ni fydd y rhent sy’n daladwy yn destun TAW.

B. Bydd y rhent sy’n daladwy yn destun TAW o 0%.

C. Bydd y rhent sy’n daladwy yn destun TAW o 20%, a fydd yn adferadwy (recoverable) gan y cwmni yswiriant.

D. Bydd y rhent sy’n daladwy yn destun TAW o 20%, a fydd yn anadferadwy (irrecoverable) gan y cwmni yswiriant.

E. Bydd disgownt o 20% ar y rhent sy’n daladwy yn nwylo’r cwmni yswiriant.