SQE1 Cwestiynau enghreifftiol

Cwestiwn 25

Bu farw ewyllysiwr (testator) gan adael ewyllys a nododd ei fod yn rhoi ei ystad gyfan mewn cyfrannau cyfartal i’w fab a’i ferch sy’n oedolion.

Roedd asedau’r ystad yn cynnwys cyfrannau mewn cwmni ar Gyfnewidfa Stoc Llundain a oedd â gwerth profiant o £100,000. Trosglwyddwyd hanner y cyfrannau i’r mab a throsglwyddwyd yr hanner arall i’r ferch. Ar ddyddiad trosglwyddo’r cyfrannau, cyfanswm gwerth y cyfrannau oedd £150,000.

Fis yn ddiweddarach, gwerthodd y ferch ei holl gyfrannau, a’r enillion gwerthu net oedd £85,000. Ddau fis yn ddiweddarach, gwerthodd y mab ei holl gyfrannau a’r enillion gwerthu net oedd £45,000. Nid yw’r ysgutor (executor) wedi cwblhau gweinyddu’r ystad eto.

Pa un o’r datganiadau canlynol sy’n disgrifio orau’r sefyllfa o safbwynt Treth Enillion Cyfalaf (Capital Gains Tax) ar y cyfrannau a werthwyd yn ystod y cyfnod gweinyddu?

A. Bydd y ferch yn gwneud enillion, bydd y mab yn gwneud colled ac ni fydd yr ysgutor yn gwneud colled nac enillion.

B. Bydd y ferch yn gwneud enillion; ni fydd yr ysgutor na’r mab yn gwneud colled nac enillion.

C. Bydd yr ysgutor a’r ferch yn gwneud enillion; bydd y mab yn gwneud colled.

D. Bydd yr ysgutor yn gwneud enillion; ni fydd y ferch na’r mab yn gwneud colled nac enillion.

E. Bydd yr ysgutor a’r ferch yn gwneud enillion, ni fydd y mab yn gwneud colled nac enillion.