SQE1 Cwestiynau enghreifftiol

Cwestiwn 39

Mae cyfreithiwr yn ychwanegu at ei incwm drwy fflatiau prynu-i-osod. Mae’r cyfreithiwr yn penderfynu gwerthu un o’r fflatiau a defnyddio’r cyfalaf ar gyfer buddsoddiad arall. Mae un o gleientiaid y cyfreithiwr yn cynnig y pris llawn a ofynnir am y fflat ac mae’r cyfreithiwr yn derbyn cynnig ei gleient.

Gan wybod yn iawn mai’r cyfreithiwr yw’r gwerthwr, mae’r cleient yn cyfarwyddo’r un cyfreithiwr yn ysgrifenedig i weithredu fel cyfreithiwr ar ei ran yn y trafodiad. Mae’r cyfreithiwr yn derbyn y cyfarwyddyd ac yn paratoi’r holl ddogfennau. Cwblheir y gwaith trosglwyddo heb gymhlethdodau.

A wnaeth y cyfreithiwr weithredu yn unol â Safonau a Rheoliadau SRA?

A. Do, oherwydd gall cyfreithiwr weithredu pan fydd gwrthdaro o ran ei fuddiannau ei hun os yw wedi cael caniatâd ysgrifenedig gan y cleient.

B. Do, oherwydd gall cyfreithiwr weithredu pan fydd gwrthdaro o ran ei fuddiannau ei hun os yw wedi’i fodloni bod hynny er lles pennaf ei gleient.

C. Do, oherwydd gall cyfreithiwr weithredu pan fydd gwrthdaro o ran ei fuddiannau ei hun os oes gan y cyfreithiwr a’r cleient fuddiant cyffredin sylweddol.

D. Naddo, oherwydd ni all cyfreithiwr weithredu pan fydd gwrthdaro o ran ei fuddiannau ei hun oni bai bod y cyfreithiwr a’r cleient yn cystadlu tuag at yr un amcan.

E. Naddo, oherwydd ni all cyfreithiwr weithredu pan fydd gwrthdaro o ran ei fuddiannau ei hun neu risg sylweddol y bydd gwrthdaro o ran ei fuddiannau ei hun.