SQE1 Cwestiynau enghreifftiol

Cwestiwn 40

Mae dyn wedi cael ei arestio ar amheuaeth o ymosodiad cyffredin (common assault). Mae’n chwaraewr pêl-droed proffesiynol sy’n ennill £180,000 y flwyddyn. Honnir bod y dyn wedi taro ffotograffydd a oedd yn ceisio tynnu llun ohono tra oedd yn cael diod gyda menyw mewn bar. Nid yw’r dyn erioed wedi mynd i helynt gyda’r heddlu o’r blaen ac mae wedi gofyn am gael ei gynrychioli gan y cyfreithiwr ar ddyletswydd (duty solicitor) tra ei fod dan rybudd (under caution) yng ngorsaf yr heddlu.

A fydd gan y dyn hawl i gynrychiolaeth gyfreithiol drwy arian cyhoeddus wrth amddiffyn ei achos?

A. Ni fydd y dyn yn gymwys i gael cynrychiolaeth gyfreithiol drwy arian cyhoeddus gan y cyfreithiwr ar ddyletswydd yng ngorsaf yr heddlu gan y bydd yn methu’r prawf modd (means test).

B. Bydd y dyn yn gymwys i gael cynrychiolaeth gyfreithiol drwy arian cyhoeddus gan y cyfreithiwr ar ddyletswydd yng ngorsaf yr heddlu ac ym mhob gwrandawiad hyd at, ac yn cynnwys, y ddedfryd (sentence).

C. Bydd y dyn yn gymwys i gael cynrychiolaeth gyfreithiol drwy arian cyhoeddus gan y cyfreithiwr ar ddyletswydd yng ngorsaf yr heddlu, sydd wedi’i gyfyngu i gyngor dros y ffôn yn unig.

D. Bydd y dyn yn gymwys i gael cynrychiolaeth gyfreithiol drwy arian cyhoeddus gan y cyfreithiwr ar ddyletswydd yng ngorsaf yr heddlu. Bydd hefyd yn gallu cael gorchymyn cynrychiolaeth (representation order) yn y Llys Ynadon ar yr amod ei fod yn pasio’r prawf budd cyfiawnder (interests of justice), gan nad oes prawf modd (means test) yn y Llys Ynadon.

E. Bydd y dyn yn gymwys i gael cynrychiolaeth gyfreithiol drwy arian cyhoeddus gan y cyfreithiwr ar ddyletswydd yng ngorsaf yr heddlu. Ni fydd yn gallu cael gorchymyn cynrychiolaeth (representation order) yn y Llys Ynadon, oherwydd hyd yn oed os bydd yn pasio’r prawf budd cyfiawnder (interests of justice), bydd yn methu’r prawf modd (means test) sy’n berthnasol yn y Llys Ynadon.