SQE1 Cwestiynau enghreifftiol

Cwestiwn 62

Mae menyw yn penderfynu gwneud ewyllys yn ei chartref. Ar ddarn o bapur, mae hi’n ysgrifennu’r darpariaethau (provisions) y mae hi am eu cynnwys. Mae hi’n llofnodi’r ewyllys ar y gwaelod ac yna’n gofyn i ddau gymydog ddod i’w thŷ i weithredu fel tystion.

Tra bod y ddau dyst yn bresennol yn yr ystafell fyw, mae’r fenyw yn pwyntio at ei llofnod ar waelod yr ewyllys ac yn dweud: “Rwyf wedi ei llofnodi’n barod.” Yna mae’r tyst hŷn a’r fenyw yn mynd i’r gegin i wneud diod. Tra eu bod yn y gegin, mae’r tyst iau yn llofnodi’r ewyllys o dan lofnod y fenyw. Yna mae’r tyst hŷn a’r fenyw yn dychwelyd i’r ystafell fyw a, thra bod y tri gyda’i gilydd, mae’r tyst hŷn yn ychwanegu ei llofnod hi i’r ewyllys o dan lofnod y tyst iau.

Does dim dyddiad na chymal ardystio (attestation clause) yn yr ewyllys.

Pam bod ewyllys y fenyw yn annilys?

A. Gan nad oes dyddiad ar yr ewyllys.

B. Gan na welodd y tystion y fenyw yn llofnodi’r ewyllys.

C. Gan nad oedd y fenyw yn bresennol pan oedd y tyst iau wedi llofnodi’r ewyllys.

D. Gan na welodd y tystion ei gilydd yn llofnodi’r ewyllys.

E. Gan nad oes cymal ardystio ar yr ewyllys.