SQE1 Cwestiynau enghreifftiol

Cwestiwn 2

Bedwar mis yn ôl, yn y Llys Ynadon, cafwyd dyn yn euog o ddwyn. Cafodd y dyn orchymyn dedfryd ohiriedig (suspended sentence) o chwe mis o garchar. Deuddeg mis yw cyfnod gweithredol y ddedfryd ohiriedig. Roedd gofyniad i gwblhau 80 awr o waith di-dâl ynghlwm wrth y gorchymyn dedfryd ohiriedig ac mae’r dyn wedi gwneud y gwaith di-dâl.

Nawr mae’r dyn wedi ei gael yn euog yn y Llys Ynadon o drosedd difrod troseddol (criminal damage) a gyflawnwyd fis yn ôl.

A yw’r Llys Ynadon yn gallu gweithredu’r ddedfryd o garchar (custodial sentence) nawr?

A. Ydy, gan fod y dyn wedi cyflawni trosedd yn ystod cyfnod gweithredol y gorchymyn dedfryd ohiriedig.

B. Nac ydy, gan nad yw’r drosedd newydd yn galw am ddedfryd o garchar.

C. Nac ydy, gan fod y dyn wedi cwblhau’r gofyniad a oedd ynghlwm wrth y gorchymyn dedfryd ohiriedig.

D. Nac ydy, gan fod cyfnod gweithredol y gorchymyn dedfryd ohiriedig yn dal i fod mewn grym.

E. Ydy, gan fod y dyn wedi cyflawni trosedd o fewn y cyfnod o chwe mis o garchar a osodwyd.