SQE1 Cwestiynau enghreifftiol

Cwestiwn 56

Mae menyw yn prynu eiddo rhydd-ddaliadol (freehold). Dewisodd hi’r eiddo gan ei fod yn cynnwys garej fawr ar wahân a fyddai’n ddelfrydol ar gyfer storio ei chasgliad o bum car o dras (vintage).

Cafodd contractau sy’n ymgorffori’r Amodau Gwerthu Safonol (Pumed Argraffiad - Diwygiad 2018) (SCS), heb eu diwygio, eu cyfnewid yr wythnos diwethaf. Mae’r fenyw wedi darganfod bod tân wedi bod yn yr eiddo neithiwr. Er na fu effaith ar y tŷ, mae’r garej wedi ei dinistrio. Nid yw’r fenyw’n siŵr ei bod hi am fwrw ymlaen â phrynu’r eiddo gan y bydd hi’n cymryd chwe mis i ailadeiladu’r garej. Mae hi’n poeni am unrhyw gostau ychwanegol y gallai hyn eu golygu ac nid yw’n gwybod ble y bydd ei cheir yn cael eu storio yn y cyfamser.

Mae’r fenyw yn gofyn i’w chyfreithiwr am gyngor.

Beth ddylai’r cyfreithiwr ei gynghori i’r fenyw?

A. Mae hi wedi ymrwymo’n gytundebol i gwblhau’r pryniant. Ni fydd unrhyw ostyngiad yn y pris prynu gan fod y risg yn cael ei throsglwyddo iddi hi wrth gyfnewid.

B. Ni ellir ei gorfodi hi i gwblhau’r pryniant gan fod rhan bwysig o destun y contract wedi’i dinistrio.

C. Mae hi wedi ymrwymo’n gytundebol i gwblhau’r pryniant. Roedd yr SCS yn mynnu bod y fenyw yn prynu polisi yswiriant a rhaid iddi ddefnyddio unrhyw enillion i adfer y garej.

D. Mae hi wedi ymrwymo’n gytundebol i gwblhau’r pryniant. Mae’r risg yn parhau gyda’r gwerthwr sy’n gorfod adfer y garej er mwyn cyflawni ei rwymedigaethau o dan y contract.

E. Mae hi’n gallu penderfynu a fydd hi’n bwrw ymlaen ai peidio. Os bydd hi’n bwrw ymlaen, mae hi’n gallu gorfodi’r gwerthwr i adfer y garej i’rsafon yr oedd ar ddyddiad y contract.