SQE1 Cwestiynau enghreifftiol

Cwestiwn 49

Roedd dyn wedi gwahanu oddi wrth ei wraig rai blynyddoedd yn ôl. Maen nhw’n parhau i fod yn ffrindiau ac ni wnaethon nhw ysgaru. Dechreuodd y dyn gyd-fyw â’i bartner dair blynedd yn ôl.

Chwe wythnos yn ôl, roedd y dyn, ei wraig a’u merch (a oedd yn 21 oed) mewn damwain car tra oeddent ar eu ffordd i seremoni raddio’r ferch. Cafodd y dyn ei ladd yn syth. Bu farw’r wraig a’r ferch y diwrnod canlynol.

Mae’r partner a oedd byw gyda’r dyn yn dal yn fyw. Nid oes gan y dyn unrhyw berthnasau eraill. Bu farw’n ddiewyllys (intestate) a’i ystad net, sy’n is na swm y rheolau diewyllysedd, yw £1,500,000.

Pa un o’r canlynol yw’r disgrifiad gorau o sut y bydd ystad y dyn yn cael ei dosbarthu?

A. Bydd yn cael ei dosbarthu i ystad y wraig yn unig.

B. Bydd yn cael ei dosbarthu i ystad y wraig ac ystad y ferch.

C. Bydd yn cael ei dosbarthu i ystad y ferch yn unig.

D. Bydd yn cael ei dosbarthu i’r partner a oedd yn byw gyda’r dyn yn unig.

E. Bydd yn cael ei dosbarthu i’r partner a oedd yn byw gyda’r dyn, ac i ystad y ferch.