SQE1 Cwestiynau enghreifftiol

Cwestiwn 50

Rhoddwyd les busnes dyddiedig 15 Gorffennaf 1989 i gwmni (‘y Tenant’). Dechreuodd ar 24 Mehefin 1989 am gyfnod o 50 mlynedd.

Mae’r Tenant wrthi’n aseinio gweddill cyfnod y les i gwmni arall (‘yr Aseinai’ (assignee)).

Mae’r les yn darparu mai dim ond gyda chydsyniad (consent) y landlord y gellir aseinio’r les (ni ddylid gohirio’r cysyniad yn afresymol). Mae’r Tenant wedi gwneud cais i’r landlord presennol (‘y Landlord’) am gydsyniad i aseinio’r les ac mae’r Landlord wedi nodi ei fod yn cydsynio mewn egwyddor yn amodol ar gwblhau trwydded i aseinio.

Mae cyfreithiwr y Landlord yn drafftio’r drwydded i aseinio. Mae hi’n drafftio’r cyfamod (covenant) i lywodraethu atebolrwydd (liability) yn y dyfodol o dan unrhyw gyfamodau’r tenant yn y les.

Pa un o’r cyfamodau canlynol y dylai cyfreithiwr y Landlord ei gynnwys yn y drwydded ddrafft i aseinio?

A. Mae’r Tenant yn creu cyfamod â’r Landlord i ddarparu cytundeb gwarant awdurdodedig i’r Landlord (ar ffurf y cytunir arni) ar yr aseiniad.

B. Mae’r Tenant yn cyfamodi â’r Landlord y bydd yr Aseinai yn cyflawni’r cyfamodau yn y les drwy gydol gweddill cyfnod y les.

C. Mae’r Tenant yn cyfamodi â’r Landlord y bydd yr Aseinai’n cyflawni’r cyfamodau yn y les tan y tro nesaf y caiff y les ei aseinio’n ddilys gyda chydsyniad y Landlord.

D. Mae’r Aseinai’n cyfamodi â’r Landlord i gyflawni’r cyfamodau yn y les drwy gydol gweddill cyfnod y les.

E. Mae’r Aseinai’n cyfamodi â’r Landlord i gyflawni ei gyfamodau yn y les tan y tro nesaf y caiff y les ei aseinio’n ddilys gyda chydsyniad y Landlord.