SQE1 Cwestiynau enghreifftiol

Cwestiwn 52

Mae menyw yn dal dig (holds a grudge) yn erbyn ei chyn-gyflogwr.

Mae’r fenyw yn mynd i dŷ’r cyn-gyflogwr gan fwriadu torri un o ffenestri’r tŷ gyda bricsen. Mae hi’n gweld car ar ddreif y tŷ ac yn sylweddoli y gallai rhywun fod yn y tŷ. Mae hi hefyd yn sylweddoli, os bydd hi’n taflu’r fricsen, y gallai bywyd unrhyw un sydd yn y tŷ fod mewn perygl naill ai gan y fricsen neu drwy ddarnau o wydr yn hedfan o ganlyniad i dorri’r ffenestr gan y fricsen. Fodd bynnag, nid yw’n bwriadu anafu unrhyw un na pheryglu bywyd neb.

Mae’r fenyw yn taflu bricsen drwy ffenestr y gegin. Mae’r ffenestr yn torri ac mae darnau o wydr yn cael eu taflu i’r gegin o ganlyniad. Mae mab y cyn-gyflogwr yn eistedd yn y gegin. Mae’r fricsen yn hedfan heibio iddo ac yn methu ei daro o drwch blewyn. Mae’r mab yn cael ei anafu gan nifer o ddarnau o wydr sy’n hedfan, gan achosi anafiadau sy’n peryglu ei fywyd.

Pa un o’r canlynol sy’n disgrifio orau pam mae’r fenyw yn euog o ddifrod troseddol gwaethygedig (aggravated criminal damage)?

A. Roedd hi’n bwriadu taflu’r fricsen drwy ffenestr y gegin ac o ganlyniad i hynny cafodd y mab ei anafu gan wydr yn hedfan.

B. Roedd hi’n bwriadu taflu’r fricsen drwy ffenestr y gegin ac o ganlyniad i hynny rhoddwyd bywyd y mab mewn perygl gan wydr yn hedfan.

C. Roedd hi’n bwriadu taflu’r fricsen drwy ffenestr y gegin ac o ganlyniad i hynny rhoddwyd bywyd y mab mewn perygl gan y fricsen.

D. Roedd hi’n bwriadu taflu’r fricsen drwy ffenestr y gegin ac roedd hi’n ddi-hid (reckless) ynghylch a fyddai bywyd mewn perygl gan y fricsen o ganlyniad i hynny.

E. Roedd hi’n bwriadu taflu’r fricsen drwy ffenestr y gegin ac roedd hi’n ddi-hid (reckless) ynghylch a fyddai bywyd mewn perygl gan wydr yn hedfan o ganlyniad i hynny.