SQE1 Cwestiynau enghreifftiol

Cwestiwn 53

Mae menyw yn marw gan adael ei hystad gyfan i elusen. Mae’r ysgutorion (executors) yn dod ar draws y ddogfen ganlynol ymhlith papurau’r fenyw:

“Drwy hyn rwy’n cadarnhau fy mod yn dal fy mwthyn gwyliau mewn ymddiriedolaeth (on trust) i’m mab a’m merch-yng-nghyfraith.”

Dyddiad flwyddyn yn ôl sydd ar y ddogfen ac mae llofnod y fenyw arni. Nid oedd tyst i’r llofnod.

Nid oedd y fenyw wedi cymryd unrhyw gamau pellach mewn perthynas â’r bwthyn yr oedd hi’r unig berchennog cofrestredig arno. Doedd ei mab a’i merch-yng-nghyfraith (y mae’r ddau ohonynt yn oedolion) ddim yn gwybod dim am y ddogfen. Roedden nhw wedi ymddieithrio (estranged) oddi wrth y fenyw ac nid oeddent wedi bod mewn cysylltiad â hi yn ystod y chwe mis cyn ei marwolaeth.

Mae’r mab a’r ferch-yng-nghyfraith yn honni bod y bwthyn wedi’i ddal mewn ymddiriedolaeth ar eu cyfer nhw ac nid yw’n rhan o ystad y fenyw.

Pa un o’r ffactorau canlynol sy’n berthnasol wrth benderfynu a yw’r bwthyn wedi’i ddal mewn ymddiriedolaeth i’r mab a’r ferch-yng-nghyfraith?

A. Mae’r mab a’r ferch-yng-nghyfraith yn oedolion.

B. Roedd teitl cyfreithiol y bwthyn yn eiddo i’r fenyw pan gyhoeddodd hi’r ymddiriedolaeth.

C. Nid oedd y fenyw wedi trosglwyddo’r teitl cyfreithiol i’r bwthyn cyn ei marwolaeth.

D. Roedd y mab a’r ferch-yng-nghyfraith wedi ymddieithrio oddi wrth y fenyw.

E. Nid oedd y fenyw wedi cyflawni gweithred (deed) yn datgan yr ymddiriedolaeth.