SQE1 Cwestiynau enghreifftiol

Cwestiwn 33

Roedd dyn yn yfed mewn bar cyhoeddus ac aeth yn feddw iawn. Bu’n dadlau gyda chwsmer arall ac yn sydyn trawodd ef y cwsmer arall yn ei wyneb gyda’i wydryn gwag gan achosi anaf a oedd yn gyfystyr â niwed corfforol difrifol (grievous bodily harm). Roedd y dyn mor feddw fel na wyddai beth yr oedd yn ei wneud. Roedd y dyn wedi meddwi o’i wirfodd (voluntarily). Arestiodd yr heddlu’r dyn. Mae wedi cael ei gyhuddo (charged) o glwyfo (wounding) gyda’r bwriad o achosi niwed corfforol difrifol.

Pa un o’r canlynol yw’r disgrifiad gorau o atebolrwydd (liability) y dyn am glwyfo gyda’r bwriad o achosi niwed corfforol difrifol?

A. Nid yw’n euog gan ei fod mor feddw fel nad oedd wedi ffurfio’r bwriad angenrheidiol ar gyfer y drosedd.

B. Nid yw’n euog gan fod meddwdod yn rhoi esgus rhesymol am yr ymosodiad.

C. Mae’n euog gan iddo feddwi o’i wirfodd a bod hynny’n ddigon di-hid (reckless) i fodloni’r gofyniad mens rea ar gyfer y drosedd hon.

D. Mae’n euog gan fod achosi niwed corfforol difrifol yn fwriadol yn drosedd â bwriad penodol (specific intent) ac nid yw meddwdod yn amddiffyniad yn achos trosedd â bwriad penodol.

E. Mae’n euog gan fod achosi niwed corfforol difrifol yn fwriadol yn drosedd â bwriad sylfaenol (basic intent) ac nid yw meddwdod yn amddiffyniad yn achos trosedd â bwriad sylfaenol.