SQE1 Cwestiynau enghreifftiol

Cwestiwn 82

Mae prynwr wedi cyfnewid contractau ar gyfer prynu tŷ rhydd-ddaliadol. Mae'r dyddiad cwblhau yn y contract yn bum niwrnod ar ôl y cyfnewid ('y Dyddiad').

Y diwrnod ar ôl cyfnewid y contractau, mae'r prynwr yn dweud wrth ei gyfreithiwr na all hi ddod o hyd i'r cronfeydd angenrheidiol i gwblhau ei phryniant am ddwy wythnos arall.

Mae'r contract yn ymgorffori'r Amodau Gwerthu Safonol (Pumed Argraffiad - Diwygiad 2018) (SCS) heb amodau arbennig perthnasol.

Mae'r prynwr yn ceisio cyngor am ei sefyllfa'n unol â'r contract, gan gofio na all hi gwblhau ar y Dyddiad.

Pa gyngor dylid ei roi i’r prynwr?

A. Bydd yr SCS yn amnewid (substitute) dyddiad 15 niwrnod gwaith ar ôl dyddiad cyfnewid y contractau fel y dyddiad cwblhau newydd (gan fod amser yn brin) ac ar ôl hyn, gall y gwerthwr ailwerthu'r tŷ os nad yw'r cwblhad wedi digwydd erbyn hynny.

B. Bydd yr SCS yn amnewid dyddiad 20 o ddiwrnodau gwaith ar ôl cyfnewid y contractau fel y dyddiad cwblhau newydd (gan fod amser yn brin), ac ar ôl hyn, gall y gwerthwr gyflwyno hysbysiad o ddad-wneud (notice of rescission) a hawlio iawndal (damages) os nad yw'r cwblhad wedi digwydd erbyn hynny.

C. Mae'r SCS yn darparu bod amser yn brin felly bydd gan y prynwr tan 6pm ar y Dyddiad i gwblhau, ac os na fydd yn gwneud hynny bydd gan y gwerthwr hawl i ddad-wneud (rescind) y contract a hawlio iawndal (damages) ar unwaith.

D. Mae'r SCS yn darparu nad yw amser yn brin a bydd gan y gwerthwr hawl ar unrhyw adeg wedi 2pm ar y Dyddiad i fforffedu a chadw'r blaendal a'r llog a gronnwyd ond gall roi pum niwrnod gwaith pellach i'r prynwr gwblhau (gan fod amser yn brin).

E. Mae'r SCS yn darparu nad yw amser yn brin a bydd gan y gwerthwr hawl ar unrhyw adeg wedi 2pm ar y Dyddiad i roi hysbysiad i'r prynwr i gwblhau (notice to complete) sy'n gwneud amser yn brin ac yn rhoi deng niwrnod gwaith i gwblhau.