SQE1 Cwestiynau enghreifftiol

Cwestiwn 23

Roedd dyn wedi gwasgu glud cryf iawn (superglue) i mewn i yriant caled (hard drive) cyfrifiadur ei gydweithiwr. Bwriad y dyn oedd chwarae jôc drwy stopio’r cyfrifiadur rhag gweithio dros dro.

Roedd yn rhagweld y gallai ei weithredoedd achosi difrod i’r cyfrifiadur a’i bod hi’n afresymol iddo gymryd y risg hon, dan yr amgylchiadau yr oedd e’n ymwybodol ohonynt.

Nid oedd wedi rhagweld bod difrod bron yn gwbl sicr o ddigwydd o ganlyniad i’w weithredoedd. Mewn gwirionedd cafodd y cyfrifiadur ei ddifrodi i’r graddau lle nad oedd modd ei drwsio ac fe ddylai’r dyn fod wedi rhagweld bod hynny bron yn gwbl sicr. Roedd ei weithredoedd yn afresymol.

A yw’r dyn yn euog o ddifrod troseddol?

A. Nac ydy, gan nad oedd wedi bwriadu achosi’r difrod.

B. Nac ydy, gan nad oedd wedi rhagweld bod y difrod bron yn gwbl sicr o ddigwydd o ganlyniad i’w weithredoedd.

C. Nac ydy, gan fod y dyn ddim ond yn esgeulus (negligent) o safbwynt y difrod.

D. Ydy, gan ei fod wedi rhagweld y risg o ddifrod ac roedd hi’n afresymol iddo gymryd y risg, dan yr amgylchiadau yr oedd e’n ymwybodol ohonynt.

E. Ydy, gan y dylai fod wedi rhagweld bod difrod bron yn gwbl sicr o ddigwydd o ganlyniad i’w weithredoedd a bod ei weithredoedd yn afresymol.