SQE1 Cwestiynau enghreifftiol

Cwestiwn 84

Roedd dyn yn berchen ar dŷ rhydd-ddaliadol cofrestredig yn Lloegr heb forgais. Er mwyn cyllido estyniad yn y tŷ, benthycodd swm mawr o arian o'i fanc a rhoi morgais cyfreithiol cyntaf i'r banc.

Roedd y cyfreithiwr sy'n cynrychioli'r dyn a'i fanc yn ymdrin â chwblhad y morgais cyfreithiol hwn yn syth cyn mynd ar wyliau. Cynhaliodd y cyfreithiwr y chwiliadau priodol. Cafodd y morgais ei gwblhau a'i ddyddio ar ddiwrnod olaf yn y gwaith y cyfreithiwr cyn mynd ar ei gwyliau ac ni chafodd y cyfreithiwr y cyfle i gofrestru'r morgais gyda'r Gofrestrfa Tir yn syth.

Wrth ddychwelyd o'i gwyliau, mae'r cyfreithiwr am barhau i gwblhau cofrestriad y morgais yn gyflym i sicrhau na chaiff unrhyw derfyn amser pwysig ei golli.

Erbyn pryd dylai'r cyfreithiwr gyflwyno cais i gofrestru'r morgais yn y Gofrestrfa Tir?

A. Dyddiad dod i ben y cyfnod amddiffyn yn y chwiliad pridiannau tir canolog (central land charges search) (K15) yn erbyn enw'r dyn.

B. Dyddiad dod i ben deufis o ddyddiad cwblhau'r morgais.

C. Dyddiad dod i ben y cyfnod blaenoriaeth yn chwiliad y Gofrestrfa Tir (OS1).

D. Dyddiad dod i ben y cyfnod amddiffyn yn y chwiliad methdaliad (K16) yn erbyn y dyn.

E. Dyddiad dod i ben y cyfnod am dalu unrhyw Dreth Dir y Dreth Stamp.