SQE1 Cwestiynau enghreifftiol

Cwestiwn 45

Mae cwmni o gyfreithiwr yn gweithredu ar ran ysgutorion (executors) ewyllys. Bydd y gwaith o weinyddu’r ystad yn cael ei gwblhau maes o law ac mae’r ysgutorion wedi gofyn i’r cwmni dalu’r cymynroddion (legacies) sy’n ddyledus o dan yr ewyllys.

Fel mater ar wahân, mae’r cwmni hefyd yn gweithredu ar ran un o fuddiolwyr (beneficiaries) yr ewyllys mewn cysylltiad â phrynu eiddo. Mae gan y buddiolwr hawl i gymynrodd o £20,000 o’r ewyllys. Mae’r buddiolwr yn rhoi cyfarwyddiadau ysgrifenedig i’r cwmni i ddefnyddio’r gymynrodd o £20,000 i ad-dalu’r £2,000 y mae’r cwmni eisoes wedi’i godi mewn ffioedd syrfewyr a chwiliadau (y mae’r cwmni wedi bilio’r buddiolwr amdanynt), a chadw’r balans o £18,000 i’w ddefnyddio fel rhan o’r pris prynu.

Pa un o’r datganiadau canlynol yw’r disgrifiad gorau o’r camau y dylai’r cwmni eu cymryd?

A. Ni all y cwmni drosglwyddo’r arian o gofnod cyfrif cleient (client account ledger) yr ysgutorion i gofnod cyfrif cleient y buddiolwr. Dylai’r cwmni anfon siec am £20,000 at y buddiolwr.

B. Gall y cwmni drosglwyddo £2,000 o gofnod cyfrif cleient (client account ledger) yr ysgutorion i gyfrif banc busnes y cwmni ac fe ddylai wedyn anfon siec am £18,000 at y buddiolwr.

C. Gall y cwmni drosglwyddo £2,000 o gofnod cyfrif cleient (client account ledger) yr ysgutorion i gyfrif banc busnes y cwmni ac fe ddylai wedyn drosglwyddo £18,000 i gofnod cyfrif rhanddeiliaid y buddiolwr.

D. Gall y cwmni drosglwyddo £20,000 o gofnod cyfrif cleient (client account ledger) yr ysgutorion i gofnod cyfrif cleient y buddiolwr ac fe ddylai wedyn drosglwyddo £2,000 i gyfrif banc busnes y cwmni.

E. Gall y cwmni drosglwyddo £20,000 o gofnod cyfrif cleient (client account ledger) yr ysgutorion i gofnod cyfrif cleient y buddiolwr. Ni ddylai’r cwmni drosglwyddo £2,000 i gyfrif banc busnes y cwmni nes bod y broses o brynu’r eiddo wedi’i chwblhau.