SQE1 Cwestiynau enghreifftiol

Cwestiwn 9

O dan delerau ei ewyllys, mae ystad cyfarwyddwr cwmni yn mynd i gael ei dal mewn ymddiriedolaeth (hold on trust) er mwyn talu’r incwm i’w ferch gydol ei hoes, ac wedi iddi farw bydd yn cael ei rhannu rhwng holl weithwyr presennol a blaenorol ei gwmni ef.

Mae’r ferch yn ymgynghori â chyfreithiwr i ofyn a yw’r rhodd yn ddilys. Mae’r ferch yn gwrthwynebu telerau ewyllys ei thad ac mae hi hefyd yn poeni nad yw’n ymarferol. Er bod gan y ferch restr gyflawn o weithwyr presennol a blaenorol y cwmni, nid yw’n siŵr bod modd dod o hyd i bob un ohonynt.

Pa un o’r datganiadau canlynol sy’n rhoi’r cyngor gorau ynglŷn â’r rhodd?

A. Nid yw’r rhodd yn ddilys gan fod dosbarthiad y buddiolwyr (beneficiaries) yn anymarferol o safbwynt gweinyddol.

B. Nid yw’r rhodd yn ddilys gan nad oes modd i gwmni fod yn fuddiolwr.

C. Mae’r rhodd yn ddilys gan fod y cwmni’n dal i fodoli.

D. Mae’r rhodd yn ddilys gan fod nifer fawr o weithwyr y cwmni yn gallu elwa ohoni.

E. Mae’r rhodd yn ddilys gan fod cofnod cyflawn ar gael o weithwyr presennol a blaenorol y cwmni.