SQE1 Cwestiynau enghreifftiol

Cwestiwn 20

Bu farw menyw gan adael ystad o ddau gyfrif banc ac un eiddo rhydd-ddaliadol (freehold). Roedd ei hewyllys yn rhannu’r ystad sy’n weddill yn gyfartal rhwng ei mab a’i merch.

Bum mlynedd yn ôl cafodd y fenyw a’i mab (a oedd yn 22 oed ar y pryd) ffrae ddifrifol a gwnaeth y mab adael cartref y teulu. Nid oes neb o’r teulu wedi ei weld ers hynny. Mae’r cynrychiolwyr personol wedi holi perthnasau eraill a ffrindiau i geisio canfod ble mae’r mab, ond wedi methu cael gafael arno.

Dri mis yn ôl, yn unol ag a.27 o Ddeddf Ymddiriedolwyr 1925, rhoddodd y cynrychiolwyr personol hysbysebion yn y London Gazette ac mewn papur newydd lleol. Nid yw’r cynrychiolwyr personol wedi cael unrhyw ymateb i’r hysbysiadau hyn oddi wrth fab y fenyw nac unrhyw un arall sy’n honni bod yn gredydwr i’r ystad. Maent yn bwriadu dosbarthu’r ystad weddilliol yn ei chyfanrwydd i ferch y fenyw a dim ond talu’r credydwyr y maen nhw’n gwybod amdanynt ar hyn o bryd.

Pa un o’r datganiadau canlynol sy’n disgrifio orau amddiffyniad y cynrychiolwyr personol rhag hawliadau gan gredydwyr a buddiolwyr (beneficiaries) o ganlyniad i’r ymholiadau a wnaed a’r hysbysiadau a osodwyd o dan a.27 o Ddeddf Ymddiriedolwyr 1925?

A. Bydd y cynrychiolwyr personol wedi eu hamddiffyn rhag hawliadau gan gredydwyr newydd a buddiolwyr anhysbys, ond nid rhag hawliad gan y mab.

B. Bydd y cynrychiolwyr personol wedi eu hamddiffyn rhag hawliadau gan gredydwyr newydd, ond nid rhag hawliadau gan fuddiolwyr anhysbys na’r mab.

C. Bydd y cynrychiolwyr personol wedi eu hamddiffyn rhag hawliadau gan gredydwyr newydd, buddiolwyr anhysbys a’r mab.

D. Ni fydd y cynrychiolwyr personol wedi eu hamddiffyn rhag hawliadau gan gredydwyr newydd, ond byddant wedi eu hamddiffyn rhag hawliadau gan fuddiolwyr anhysbys a’r mab.

E. Ni fydd y cynrychiolwyr personol wedi eu hamddiffyn rhag hawliadau gan gredydwyr newydd na buddiolwyr anhysbys, ond byddant wedi eu hamddiffyn rhag hawliad gan y mab.