SQE1 Cwestiynau enghreifftiol

Cwestiwn 63

Mae menyw yn berchen ar rydd-ddaliad (freehold) cofrestredig ar gyfer gweithdy.

Mae hi’n cytuno ar lafar i roi’r hawl unigryw (exclusive right) i artist feddiannu’r gweithdy fel stiwdio iddo. Maent yn cytuno y bydd y trefniant yn para am 12 mis ac y bydd yr artist yn cymryd meddiant ar unwaith. Ni fydd taliad ymlaen llaw ond bydd rhent misol y farchnad yn daladwy.

Mae’r artist yn cadarnhau telerau’r trefniant mewn e-bost. Mae’r fenyw yn darllen yr e-bost ond nid yw hi’n ei gydnabod.

Nid yw’r artist yn cymryd unrhyw gamau pellach mewn perthynas â’r trefniant ond, cyn i’r artist symud i mewn i’r gweithdy, mae’r fenyw yn dweud wrtho ei bod hi wedi newid ei meddwl.

Mae’r artist yn honni bod y trefniant wedi creu cytundeb gorfodadwy (enforceable) sy’n caniatáu iddo feddiannu’r gweithdy fel stiwdio iddo.

Beth sydd wedi’i greu gan y trefniant?

A. Les gyfreithiol, gan fod y cytundeb llafar yn ddigonol.

B. Les ecwitïol, gan fod yr e-bost yn ysgrifenedig ond nid yw’n weithred (deed).

C. Trwydded, gan nad yw’r partïon wedi llofnodi’r e-bost.

D. Trwydded, gan nad yw’r artist wedi ymgymryd â meddiant (taken up occupation).

E. Les ecwitïol, gan nad oes modd cofrestru’r cytundeb llafar.