SQE1 Cwestiynau enghreifftiol

Cwestiwn 6

Mae cyfreithiwr yn gweithredu ar ran cleient a gafwyd yn euog o ddwyn. Mae’r cleient yn gofyn i’r cyfreithiwr gyflwyno ple lliniaru (plea in mitigation) ar ei rhan hi. Yn ystod y gwrandawiad mae’r cleient yn rhoi cyfeiriad a dyddiad geni ffug i’r llys er mwyn cuddio’r ffaith bod ganddi euogfarnau (convictions) blaenorol.

Pa un o’r datganiadau canlynol sy’n disgrifio orau’r hyn y dylai’r cyfreithiwr ei wneud?

A. Rhoi’r gorau i weithredu ar unwaith.

B. Peidio â chyfeirio at gymeriad nac euogfarnau blaenorol y cleient.

C. Cywiro’r wybodaeth am gyfeiriad a dyddiad geni’r cleient ar unwaith heb gyfeirio ymhellach at y cleient.

D. Peidio â chyfeirio’n uniongyrchol at euogfarnau blaenorol y cleient ond awgrymu bod ganddi gymeriad da.

E. Gofyn i’r cleient gywiro’r wybodaeth am ei chyfeiriad a’i dyddiad geni ac, os yw’n gwrthod, rhoi’r gorau i weithredu.