SQE1 Cwestiynau enghreifftiol

Cwestiwn 6

Mae cyfarwyddwyr cwmni cyfyngedig preifat yn bwriadu gwerthu rhywfaint o dir sy’n eiddo i’r cwmni. Mae pob un o’r cyfarwyddwyr yn adnabod prynwr arfaethedig y tir, sef tad un o’r cyfarwyddwyr. Mae holl gyfarwyddwyr y cwmni hefyd yn gyfranddalwyr yn y cwmni.

Cafodd y tir ei brisio’n annibynnol yn ddiweddar ac mae’n werth £70,000, a chytunir mai hwn fydd y pris gwerthu.

Mae cyfrifon blynyddol diweddaraf y cwmni yn nodi elw net o £770,000 ac asedau net o £600,000. Mae’r cwmni wedi mabwysiadu Rheoliadau Cwmnïau (Erthyglau Enghreifftiol) (heb eu diwygio) fel ei erthyglau cymdeithasiad (articles of association).

A oes angen i’r cyfranddalwyr gymeradwyo’r bwriad i werthu’r tir?

A. Nac oes, gan fod y trafodiad yn dod o dan awdurdod cyffredinol y cyfarwyddwyr i reoli busnes y cwmni.

B. Nac oes, gan fod y trafodiad yn ymwneud â gwerthu a phrynu tir sy’n ased nad yw’n arian parod.

C. Nac oes, gan fod y trafodiad yn ymwneud â gwerthu a phrynu ased ar ei werth marchnad teg.

D. Oes, gan fod y trafodiad yn ymwneud â gwerthu a phrynu tir sy’n werth mwy na 10% o werth asedau’r cwmni.

E. Oes, gan fod holl gyfarwyddwyr y cwmni hefyd yn gyfranddalwyr yn y cwmni.