SQE1 Cwestiynau enghreifftiol

Cwestiwn 69

Mae modurwr yn achosi gwrthdrawiad drwy esgeuluster â char arall sy'n cael ei yrru gan fenyw. O ganlyniad i'r gwrthdrawiad esgeulus, mae'r fenyw'n dioddef nifer o golledion.

Mae hi'n dioddef anafiadau difrifol i'w llaw a'i braich y bydd angen ffisiotherapi helaeth ar eu cyfer. Mae'r fenyw'n bwriadu talu am ffisiotherapi preifat gan fod y rhestr aros yn y Gwasanaeth Iechyd Gwladol yn fisoedd lawer. Mae difrod difrifol i'w char ac mae angen gwaith trwsio sylweddol arno. Roedd ei gliniadur ar sedd teithiwr (passenger seat) y car ac mae wedi'i ddifrodi i'r graddau nad oes modd ei drwsio. Mae'r fenyw'n defnyddio'r gliniadur at ddibenion busnes. Cafodd modrwy ddyweddïo'r fenyw sy'n werth £10,000 ei dinistrio yn y ddamwain wrth i'r diemwntau ynddi chwalu gyda grym y gwrthdrawiad.

Mae'r fenyw yn dwyn hawliad mewn esgeuluster am yr holl golledion hyn. Mae'r gyrrwr yn derbyn cyfrifoldeb am y gwrthdrawiad ond yn gwadu cwantwm.

Yn ogystal ag atebolrwydd am yr anaf personol a'r difrod i'r car, pa golledion eraill y mae'r modurwr yn atebol amdanynt?

A. Triniaeth ffisiotherapi breifat y fenyw, ei gliniadur a'i modrwy ddyweddïo.

B. Triniaeth ffisiotherapi breifat y fenyw yn unig.

C. Modrwy ddyweddïo a gliniadur y fenyw yn unig.

D. Gliniadur y fenyw yn unig.

E. Modrwy ddyweddïo'r fenyw a thriniaeth ffisiotherapi breifat yn unig.