SQE1 Cwestiynau enghreifftiol

Cwestiwn 82

Mae cyfreithiwr yn gweithredu ar ran hawlydd yn ei hawliad yn erbyn cwmni lleol o gyfrifwyr ('y Diffynnydd'). Honiad yr hawlydd yw iddi weithredu yn sgil cyngor esgeulus a ddarparodd y Diffynnydd. Dilynwyd yr holl weithdrefnau cyn gweithredu (pre-action) priodol ac mae achos wedi'i gychwyn a'i gyflwyno (issued and served).

Mae'r cyfreithiwr yn derbyn e-bost gan y cwmni o gyfreithwyr sy'n gweithredu ar ran y Diffynnydd, sy'n egluro bod y cyfreithiwr a oedd wedi bod yn rhoi sylw i'r mater wedi bod yn absennol o'r swyddfa oherwydd salwch. Mae'r cwmni wedi ffeilio cydnabyddiad cyflwyno gyda'r llys ar ran y Diffynnydd ond mae angen ymestyn yr amser er mwyn paratoi a ffeilio amddiffyniad ei gleient.

Mae cyfreithiwr yr hawlydd yn cytuno i estyniad o saith diwrnod ar gyfer ffeilio'r amddiffyniad a rhoddir gwybod i'r llys yn ysgrifenedig.

Ar y dyddiad y disgwylir i gyfnod yr estyniad o saith diwrnod y cytunwyd arno ddod i ben, mae cyfreithiwr y Diffynnydd yn gofyn am estyniad pellach i'r amser ar gyfer ffeilio'r amddiffyniad.

Beth yw'r estyniad pellach, os o gwbl, y gall cyfreithiwr yr hawlydd gytuno iddo heb ganiatâd y llys?

A. Estyniad o 7 diwrnod arall.

B. Estyniad o 14 diwrnod arall.

C. Estyniad o 21 niwrnod arall.

D. Estyniad o 28 niwrnod arall.

E. Ni chaniateir estyniad pellach.