SQE1 Cwestiynau enghreifftiol

Cwestiwn 83

Mae gan gwmni cyfyngedig preifat erthyglau enghreifftiol heb eu diwygio fel y nodir yn Atodlen 1 i Reoliadau Cwmnïau (Erthyglau Enghreifftiol) 2008. Mae'r cwmni wedi cyhoeddi cyfrannau cyffredin yn unig ac nid oes ganddo gytundeb cyfranddalwyr. Mae ei gyfres ddiweddaraf o gyfrifon yn dangos na wnaeth y cwmni elw na cholled yn ystod y cyfnod cyfrifyddu diweddaraf, er bod ganddo elw dosbarthadwy (distributable profits) o £50,000 a gariwyd ymlaen o gyfnodau cyfrifyddu blaenorol. Mae'r cyfranddalwyr am i'r cwmni ddatgan difidend allan o'r elw hwn, ond mae'r cyfarwyddwyr yn bwriadu cadw'r elw o fewn y cwmni i ariannu ehangiad masnach y cwmni.

A all y cyfranddalwyr orfodi'r cyfarwyddwyr i argymell difidend?

A. Gallant, oherwydd bod gan y cyfarwyddwyr ddyletswydd i weithredu er budd gorau'r cyfranddalwyr.

B. Gallant, oherwydd bod gan y cyfranddalwyr y pŵer i fynnu ar dalu difidend trwy benderfyniad cyffredin (ordinary resolution).

C. Gallant, oherwydd bod gan y cyfranddalwyr yr hawl i dderbyn difidend os oes gan y cwmni elw dosbarthadwy.

D. Na allant, oherwydd dim ond y cyfarwyddwyr sydd â'r pŵer i argymell taliad difidend.

E. Na allant, oherwydd gall y cyfarwyddwyr argymell difidend allan o elw o'r cyfnod cyfrifyddu diweddaraf yn unig.