SQE1 Cwestiynau enghreifftiol

Cwestiwn 81

Yn ystod y 24 mlynedd diwethaf mae dyn wedi rhedeg busnes mewn safle ar gyrion pentref. Cafodd y dyn ganiatâd cynllunio ar gyfer y defnydd busnes hwn pan ddechreuodd ei fusnes. Mae'r unig dŷ sydd yng nghyffiniau busnes y dyn dan berchnogaeth a meddiant menyw ers 22 mlynedd.

Mae'r sŵn o fusnes y dyn bob amser wedi bod yn sylweddol ond wnaeth y fenyw ddim cwyno am fod ei thad yn ffrindiau mawr gyda'r dyn. Bu farw tad y fenyw dri mis yn ôl ac mae hi bellach wedi dwyn achos mewn niwsans preifat yn erbyn y dyn. Derbynnir bod y lefelau sŵn, nad ydynt wedi newid ers i'r busnes ddechrau, yn niwsans cyfreithadwy (actionable nuisance) oni bai bod y dyn yn gallu codi amddiffyniad llwyddiannus.

A all y dyn ddefnyddio amddiffyniad presgripsiwn (defence of prescription) yn llwyddiannus?

A. Na all, oherwydd dim ond pan gwynodd y fenyw am y sŵn y daeth yr hawliad yn gyfreithadwy.

B. Gall, oherwydd bod y dyn wedi rhedeg ei fusnes ers dros 20 mlynedd heb gŵyn.

C. Na all, oherwydd nid yw'r amddiffyniad yn berthnasol mewn niwsans preifat.

D. Gall, oherwydd bod y dyn wedi cael caniatâd cynllunio.

E. Na all, oherwydd daeth y niwsans yn berthnasol i'r fenyw wedi i'r dyn ddechrau rhedeg ei fusnes.