SQE1 Cwestiynau enghreifftiol

Cwestiwn 68

Mae adeiladwr hunangyflogedig sy'n dymuno prynu nwyddau gan gwmni cyflenwadau adeiladu yn cysylltu â chyfreithiwr i gael cyngor am y contract ysgrifenedig un dudalen y mae'r cwmni wedi'i anfon ato. Mae tu cefn y contract yn datgan telerau busnes ysgrifenedig safonol y cwmni. Gofynnwyd i'r adeiladwr lofnodi, dyddio a dychwelyd y contract i'r cwmni os yw'n dymuno ei ddefnyddio i gyflenwi nwyddau. Nid yw'r cwmni wedi cyfathrebu â'r adeiladwr mewn unrhyw ffordd arall.

Mae'r cyfreithiwr yn darllen y contract, gan gynnwys y telerau a geir ar y cefn. Mae'n datgan yn gywir bod y telerau wedi'u hymgorffori ond mae'n nodi bod un o'r telerau busnes ysgrifenedig safonol yn ceisio eithrio math o atebolrwydd na ellir ei eithrio dan unrhyw amgylchiadau eraill.

Pa un o'r telerau canlynol y mae'r cyfreithiwr yn cyfeirio ato?

A. Eithrio atebolrwydd am gamliwiad (misrepresentation) a wnaed gan y cwmni cyn yr ymrwymwyd i'r contract.

B. Eithrio atebolrwydd am dorri'r teler ymhlyg (implied term) statudol y bydd y nwyddau'n addas at ddiben penodol.

C. Eithrio atebolrwydd am dorri'r teler ymhlyg (implied term) statudol bod gan y gwerthwr deitl i'r nwyddau adeg y gwerthiant.

D. Eithrio atebolrwydd am dorri'r teler ymhlyg (implied term) statudol y bydd y nwyddau a gyflenwir o ansawdd boddhaol.

E. Eithrio atebolrwydd am dorri'r teler ymhlyg (implied term) statudol y bydd y nwyddau a werthir trwy ddisgrifiad yn cyd-fynd â'r disgrifiad hwnnw.