SQE1 Cwestiynau enghreifftiol

Cwestiwn 5

Mae menyw yn y DU yn honni bod awdurdod cyhoeddus wedi torri ei hawliau o dan Erthygl 8 o’r Confensiwn Ewropeaidd ar Hawliau Dynol. Er ei bod hi’n dymuno protestio, nid yw’n fodlon dwyn achos llys o dan Ddeddf Hawliau Dynol 1998 (DHD) yn erbyn yr awdurdod cyhoeddus oherwydd y cyhoeddusrwydd y gallai ei wynebu, ac oherwydd y gost bosibl. Mae gan y fenyw gyfnither (cousin) gyfoethog nad yw wedi’i heffeithio gan yr achos honedig o dorri hawliau, ond sy’n fodlon dwyn achos llys ar ran y fenyw.

A oes modd i’r gyfnither ddwyn achos cyfreithiol fel cynrychiolydd y fenyw, o dan y DHD?

A. Oes, gan fod cynrychiolwyr o’r teulu yn benodol yn cael statws cyfreithiol dan y DHD.

B. Oes, gan fod y DHD yn nodi y gall cynrychiolydd ddwyn achos pan fydd anhysbysrwydd (anonymity) yn bryder difrifol i’r dioddefwr.

C. Nac oes, gan mai dim ond dioddefwr yr achos o dorri hawliau sy’n gallu dwyn achos ac nid yw’r gyfnither yn ddioddefwr.

D. Oes, gan y bydd y llys yn fodlon bod y gyfnither, fel cynrychiolydd, yn gallu talu treuliau (expenses) yr achos.

E. Nac oes, gan nad oes modd i gynrychiolydd ddwyn achos o dan y DHD oni bai ei fod yn sefyll ar ran nifer o unigolion sy’n gwneud yn union yr un hawliadau.