SQE1 Cwestiynau enghreifftiol

Cwestiwn 2

Roedd cwmni wedi creu arwystl ansefydlog (floating charge) dros ei holl asedau er budd cyflenwr masnachol (trade supplier), fel gwarannyn (security) ar gyfer y symiau a fyddai’n ddyledus o bryd i’w gilydd.

Bum mlynedd yn ddiweddarach, ymrwymodd yr un cwmni i ddyledeb (debenture) gyda banc, gan greu arwystl ansefydlog dros holl asedau’r cwmni, fel gwarannyn ar gyfer benthyciad gan y banc.

Ni chafodd arwystl y cyflenwr masnachol ei gofrestru yn Nhŷ’r Cwmnïau. Fodd bynnag, cyn i’r ddyledeb gael ei llofnodi, rhoddodd y cwmni wybod i’r banc bod y cyflenwr masnachol yn meddu ar arwystl ansefydlog dilys dros asedau’r cwmni yn barod. Cafodd y ddyledeb ei chwblhau’n briodol, ac fe’i cofrestrwyd ar unwaith yn Nhŷ’r Cwmnïau. Aeth y cwmni i ddwylo gweinyddwyr (go into administration) ddeg mis ar ôl ymrwymo i’r ddyledeb, gyda symiau dyledus a heb eu talu, i’r cyflenwr masnachol ac i’r banc.

Pa un o gredydwyr y cwmni sydd â’r hawl gyntaf (prior claim) i asedau’r cwmni?

A. Y banc, gan fod y ffaith fod y cyflenwr masnachol heb gofrestru ei arwystl yn golygu bod yr arwystl yn annilys (void) yn erbyn y cwmni.

B. Y cyflenwr masnachol, gan fod y banc wedi cael hysbysiad penodol am fodolaeth arwystl y cyflenwr masnachol.

C. Y banc, gan fod y ffaith fod y cyflenwr masnachol heb gofrestru ei arwystl yn golygu bod yr arwystl yn annilys (void) yn erbyn y gweinyddwyr a’r banc.

D. Y cyflenwr masnachol, gan fod arwystl y banc wedi’i greu lai na 12 mis cyn i’r cwmni fynd i ddwylo’r gweinyddwyr.

E. Y cyflenwr masnachol, gan mai dyddiad creu’r arwystl yw’r unig beth sy’n pennu blaenoriaeth arwystlon ansefydlog.