SQE1 Cwestiynau enghreifftiol

Cwestiwn 45

Mae menyw yn berchen ar gyfrannau (shares) mewn cwmni cyfyngedig preifat. Nid yw’r cyfrannau mewn ISA (Cyfrif Cynilo Unigol). Yn ystod blwyddyn dreth 2023/24 mae’r fenyw’n cael difidend o £5,000. Ei hunig ffynhonnell incwm arall yw ei chyflog. Ei hincwm trethadwy, gan gynnwys y difidend, yw £41,000.

Yn 2023/24, £12,570 yw’r lwfans personol, £12,571-£50,270 yw’r band treth cyfradd sylfaenol (basic tax rate), a lwfans difidendau yw £1,000.

Faint o Dreth Incwm, os o gwbl, ddylai’r fenyw ei thalu ar y difidend?

A. Dim, gan fod y difidend wedi cael ei dalu gan gwmni cyfyngedig preifat sy’n talu Treth Gorfforaeth (Corporation Tax) ar ei elw dosbarthadwy (distributable profits) ac mae hynny’n bodloni rhwymedigaeth (liability) y fenyw o safbwynt Treth Incwm.

B. Dim, gan nad yw ei hincwm trethadwy, gan gynnwys y difidend, yn uwch na’r trothwy uchaf ar gyfer treth ar y gyfradd sylfaenol.

C. Dylai hi dalu Treth Incwm ar gyfradd sylfaenol Treth Incwm ar y difidend cyfan gan fod hyn yn mynd y tu hwnt i’w lwfans difidendau blynyddol.

D. Dylai hi dalu Treth Incwm ar y gyfradd treth briodol ar gyfer difidendau ar y gyfran o’r difidend sy’n uwch na’i lwfans difidendau blynyddol.

E. Dylai hi dalu Treth Incwm ar gyfradd ychwanegol Treth Incwm ar y gyfran o’r difidend sy’n uwch na’i lwfans difidendau blynyddol.