SQE1 Cwestiynau enghreifftiol

Cwestiwn 39

Mae cyfreithiwr yn gweithredu ar ran cleient sy’n codi arian sydd wedi’i sicrhau yn erbyn ei gartref er mwyn ariannu ei fusnes newydd. Bydd y cyfreithiwr yn rhoi cyngor ac yn paratoi’r holl ddogfennau angenrheidiol mewn perthynas â’r morgais.

Mae’r cleient yn gofyn i’r cyfreithiwr egluro’r prif wahaniaethau rhwng morgais ad-dalu a morgais gwaddol (endowment). Nid yw’r cyfreithiwr na’i gwmni wedi cael eu hawdurdodi gan yr Awdurdod Ymddygiad Ariannol i gyflawni gweithgaredd a reoleiddir.

A oes modd i’r cyfreithiwr roi’r esboniad y gofynnir amdano o ran y mathau o forgeisi?

A. Oes, gan fod cyngor o’r fath yn rhan angenrheidiol o ddarparu ei wasanaethau cyfreithiol.

B. Oes, gan ei fod yn ddarostyngedig i Reolau (Cwmpas) Gwasanaethau Ariannol Cyfreithwyr (Solicitors’ Financial Services (Scope) Rules) ac felly mae’n dod o dan esemptiad (exemption) rhag Deddf Marchnadoedd a Gwasanaethau Ariannol 2000.

C. Oes, gan fod darparu cyngor cyffredinol yn syrthio’r tu allan i gwmpas Deddf Marchnadoedd a Gwasanaethau Ariannol 2000.

D. Nac oes, gan nad yw cyngor o’r fath yn dod o dan esemptiad (exemption) rhag Deddf Marchnadoedd a Gwasanaethau Ariannol 2000.

E. Nac oes, gan nad yw’r cyfreithiwr wedi’i awdurdodi gan yr Awdurdod Ymddygiad Ariannol i roi cyngor mewn perthynas â’r naill fath o forgais na’r llall.