SQE1 Cwestiynau enghreifftiol

Cwestiwn 20

Mae hawlydd yn dwyn hawliad yn erbyn diffynnydd, ac yn ceisio iawndal (damages) am dorcontract (breach of contract). Mae’r hawlydd yn honni bod y partïon wedi cytuno ar lafar i newid y contract. Mae’r diffynnydd yn gwadu (deny) bod gan y partïon gytundeb o’r fath. Yr unig dystiolaeth ar y mater hwn, a fydd yn pennu canlyniad yr hawliad, yw tystiolaeth lafar yr hawlydd a’r diffynnydd, sy’n gwrthdaro â’i gilydd.

Pa un o’r canlynol sy’n disgrifio orau’r baich prawf (burden of proof), os o gwbl, y bydd y llys yn ei ddefnyddio wrth benderfynu ar y mater?

A. Mae’r baich ar y diffynnydd i wrthbrofi honiad yr hawlydd y tu hwnt i bob amheuaeth resymol (beyond reasonable doubt).

B. Mae’r baich ar y diffynnydd i wrthbrofi honiad yr hawlydd yn ôl pwysau tebygolrwydd (balance of probabilities).

C. Nid yw’r naill barti na’r llall yn ysgwyddo’r baich prawf a bydd y barnwr yn gorchymyn ail dreial os na all fod yn siŵr ynglŷn â thystiolaeth pa barti sy’n gywir.

D. Mae’r baich ar yr hawlydd i brofi’r honiad yn ôl pwysau tebygolrwydd (balance of probabilities).

E. Mae’r baich ar yr hawlydd i brofi’r honiad y tu hwnt i bob amheuaeth resymol (beyond reasonable doubt).