SQE1 Cwestiynau enghreifftiol

Cwestiwn 38

Mae dyn yn cael ei gyflogi gan gwmni toi (roofing) i drwsio toeau. Mae’r rôl yn golygu bod angen iddo wisgo menig arbennig er mwyn amddiffyn ei ddwylo pan fydd yn trin teils to. Wrth sefyll ar sgaffaldiau, a godwyd yn esgeulus (negligently) gan y cwmni toi, mae’n disgyn oddi arnynt ac yn dioddef anaf difrifol i’w ben, ac mae’n dwyn hawliad. Bu’n ddiofal (careless) drwy beidio â gwisgo’r menig bryd hynny.

Pa un o’r canlynol sy’n disgrifio’r sefyllfa orau o ran gallu’r cwmni i honni esgeuluster cyfrannol (contributory negligence) y töwr?

A. Ni all y cwmni honni esgeuluster cyfrannol oherwydd nid diofalwch y töwr a oedd wedi achosi na chyfrannu at yr anaf.

B. Ni all y cwmni honni esgeuluster cyfrannol gan nad oedd dyletswydd gofal ar y töwr tuag at y cwmni.

C. Gall y cwmni honni esgeuluster cyfrannol gan fod diofalwch y töwr wedi achosi neu gyfrannu at yr anaf.

D. Gall y cwmni honni esgeuluster cyfrannol gan fod diofalwch y töwr wedi cynyddu’n sylweddol y risg o anaf.

E. Gall y cwmni honni esgeuluster cyfrannol gan fod dyletswydd gofal ar y töwr tuag at y cwmni.