SQE1 Cwestiynau enghreifftiol

Cwestiwn 35

Mae cyfreithiwr wedi’i gyfarwyddo gan gwmni cleient sy’n cael anawsterau o ran llif arian. Mae’r cleient wedi gofyn i’r cyfreithiwr roi cyngor ynglŷn â dyletswyddau ei gyfarwyddwyr mewn perthynas â monitro sefyllfa ariannol y cwmni. Yn ystod y trafodaethau, mae’r cleient yn dweud bod y cwmni’n ystyried gwella ei sefyllfa ariannol drwy fuddsoddi mewn gwarannau ecwiti (equity securities) ac mae’n gofyn a all y cyfreithiwr argymell unrhyw stocbroceriaid i’r cleient.

Mae brawd y cyfreithiwr yn bartner mewn cwmni o stocbroceriaid sydd wedi’i awdurdodi gan yr Awdurdod Ymddygiad Ariannol ac sydd wedi sicrhau enillion sylweddol i’r cyfreithiwr ac i gleientiaid eraill.

O ran argymell, mae’r cyfreithiwr wedi dod i’r casgliad:

(i) ni fyddai’n peryglu ei annibyniaeth fel cynghorwr cyfreithiol y cleient mewn unrhyw ffordd; a

(ii) byddai er budd pennaf (best interests) y cleient gan mai’r stocbroceriaid hyn yw’r gorau yn y maes hwn.

Ni fydd y cyfreithiwr yn cael budd ariannol o’r argymhelliad. Mae’r cyfreithiwr yn gwybod y byddai ei frawd yn ddiolchgar bod busnes yn cael ei gyflwyno iddo.

Pa un o’r camau canlynol ddylai’r cyfreithiwr ei gymryd nesaf?

A. Rhoi’r gorau i weithredu ar ran y cleient.

B. Argymell unigolyn yn y cwmni o stocbroceriaid i’r cleient yn hytrach nag at frawd y cyfreithiwr.

C. Sicrhau cadarnhad ysgrifenedig gan ei frawd na fydd y cyfreithiwr yn cael budd ariannol am argymell busnes.

D. Rhoi gwybod i’r cleient bod brawd y cyfreithiwr yn bartner yn y cwmni o stocbroceriaid.

E. Gofyn i rywun arall yng nghwmni’r cyfreithiwr i argymell y cwmni o stocbroceriaid i’r cleieint.