SQE1 Cwestiynau enghreifftiol

Cwestiwn 42

Mae cwmni cyfyngedig cyhoeddus (PLC) mawr yn lesio peiriant gwerthu (vending machine) i ysgol bentref fach. Nid yw’r ysgol wedi talu swm o £300 sy’n ddyledus o dan gytundeb y les ar gyfer y peiriant. Mae’r PLC wedi cychwyn hawliad yn erbyn yr ysgol yn y Llys Sirol.

Mae’r ysgol yn amddiffyn yr hawliad ar y sail nad yw symiau’n ddyledus gan nad yw’r peiriant gwerthu’n gweithio mwyach. Mae’r PLC wedi cyfarwyddo ei gyfreithiwr i lunio rhestr o ddogfennau sy’n cynnwys 267 o dudalennau o negeseuon e-bost ac i geisio tystiolaeth arbenigol ar beiriannau gwerthu gan ddau arbenigwr gwahanol.

A yw’r cyfarwyddiadau hyn yn debygol o fod yn gyson â phrif amcan (overriding objective) y Rheolau Trefniadaeth Sifil (Civil Procedure Rules)?

A. Nac ydyn, gan fod y prif amcan yn ei gwneud hi’n ofynnol i’r partïon helpu’r llys i ddelio ag achosion mewn modd cyfiawn ac am gost gymesur (proportionate).

B. Nac ydyn, gan fod y prif amcan yn ei gwneud hi’n ofynnol i’r partïon helpu’r llys i ddelio ag achosion yn gyflym.

C. Ydyn, gan fod y prif amcan yn berthnasol i’r llysoedd yn unig, ac nid i’r partïon.

D. Ydyn, gan fod y prif amcan yn mynnu cymesuredd (proportionality) dim ond o ran rhinwedd gymharol (relative merit) yr hawliad, nid o ran gwerth cymharol yr hawliad.

E. Ydyn, gan fod y prif amcan yn berthnasol i ymddygiad cyn-gweithredu (pre-action) yn unig.