SQE1 Cwestiynau enghreifftiol

Cwestiwn 74

Rhoddir llechen electronig newydd ('y Llechen') i fenyw yn anrheg pen-blwydd oddi wrth ei ffrind. Prynodd y ffrind y llechen gan fanwerthwr lleol ('y Manwerthwr'). Nid oedd y Manwerthwr yn ymwybodol bod y ffrind yn ei brynu'n anrheg i'r fenyw.

Wrth geisio defnyddio’r Llechen, mae'r fenyw yn darganfod nad yw'n gallu ei droi ymlaen am fod nam ar y botwm pŵer. Nid yw'r fenyw eisiau dweud wrth ei ffrind nad yw'r Llechen yn gweithio oherwydd ei fod yn anrheg pen-blwydd ac felly mae'n mynd â'r Llechen i siop drwsio leol.

Mae'r siop yn trwsio'r nam ar y Llechen am gost o £150, y mae'r fenyw yn ei thalu. Mae'r fenyw'n dymuno siwio'r Manwerthwr mewn esgeuluster i adennill y £150.

A all y fenyw adennill y gost drwsio o £150 mewn esgeuluster gan y Manwerthwr?

A. Na all, oherwydd bod y nam ar y Llechen yn golled anrhagweladwy.

B. Gall, oherwydd bod y Llechen yn ddiffygiol.

C. Gall, oherwydd bod y gost drwsio yn golled economaidd ganlyniadol (consequential).

D. Na all, oherwydd bod y gost drwsio yn golled economaidd pur.

E. Gall, oherwydd bod y Manwerthwr yn gwbl atebol (strictly liable) am y gost drwsio.