SQE1 Cwestiynau enghreifftiol

Cwestiwn 31

Mae gweithiwr anabl mewn cwmni o gyfreithwyr wedi gofyn i’r cwmni brynu meddalwedd gyfrifiadurol iddo ei defnyddio yn y gwaith. Mae’r feddalwedd hon yn galluogi rhywun sydd ag anabledd y gweithiwr i ddefnyddio cyfrifiadur yn fwy effeithiol. Mae’r partneriaid yn y cwmni eisiau cyngor ar eu dyletswyddau o dan Ddeddf Cydraddoldeb 2010 (‘y Ddeddf’).

Beth y mae’n rhaid i’r partneriaid yn y cwmni ei wneud i gyflawni eu dyletswyddau o dan y Ddeddf?

A. Rhaid iddynt wneud addasiadau sylweddol (substantial) i sicrhau nad yw’r gweithiwr anabl dan anfantais o’i gymharu â’r rheini nad ydynt yn anabl.

B. Rhaid iddynt wneud addasiadau rhesymol i sicrhau nad yw’r gweithiwr anabl dan anfantais sylweddol (substantial) o’i gymharu â’r rheini nad ydynt yn anabl.

C. Rhaid iddynt wneud addasiadau i sicrhau nad yw’r gweithiwr anabl dan anfantais arwyddocaol (significant) o’i gymharu â’r rheini nad ydynt yn anabl.

D. Rhaid iddynt wneud addasiadau arwyddocaol (significant) i sicrhau nad yw’r gweithiwr anabl dan anfantais o’i gymharu â’r rheini nad ydynt yn anabl.

E. Rhaid iddynt wneud addasiadau i sicrhau nad yw’r gweithiwr anabl dan anfantais afresymol o’i gymharu â’r rheini nad ydynt yn anabl.