SQE1 Cwestiynau enghreifftiol

Cwestiwn 59

Mae paragyfreithiwr wedi ei gyflogi ers 18 mis mewn cwmni o gyfreithwyr. Ymddangosodd fel tyst mewn hawliad llwyddiannus a wnaethpwyd gan un o’i chydweithiwr o dan Ddeddf Cydraddoldeb 2010 (‘y Ddeddf’) yn erbyn y cwmni yn y Tribiwnlys Cyflogaeth. Mae’r paragyfreithiwr a’r cydweithiwr yn parhau i weithio i’r cwmni ar ôl i’r hawliad ddod i ben.

Ychydig fisoedd yn ddiweddarach, mae’r cwmni’n talu bonws disgresiynol i staff yn eu cyflog i ddiolch iddynt am eu gwaith caled y flwyddyn ariannol honno. Nid yw’r paragyfreithiwr na’r cydweithiwr yn derbyn bonws, yn wahanol i’r holl staff eraill. Nhw yw’r unig weithwyr sydd wedi bod yn rhan o achos y Tribiwnlys Cyflogaeth yn erbyn y cwmni. Mae’r paragyfreithiwr yn codi’r mater gyda’i rheolwr llinell ond heb lwyddiant, sy’n gwneud iddi deimlo ei bod hi’n cael ei bychanu.

Mae’r paragyfreithiwr yn gofyn am gyngor ynghylch a all ddwyn hawliad o dan y Ddeddf am y methiant i dalu’r bonws disgresiynol iddi.

A yw’r cwmni’n debygol o fod wedi torri ei ddyletswyddau o dan y Ddeddf drwy beidio â thalu’r bonws disgresiynol i’r paragyfreithiwr?

A. Nac ydy, gan fod y bonws yn ôl disgresiwn y cwmni yn unig ac nid yw’n un o’r telerau cytundebol.

B. Ydy. Mae hawliad tebygol o wahaniaethu (discrimination) uniongyrchol.

C. Ydy. Mae hawliad tebygol o erledigaeth (victimisation).

D. Ydy. Mae hawliad tebygol o aflonyddu (harassment).

E. Nac ydy, gan nad yw’r paragyfreithiwr wedi gweithio yn y cwmni ers dwy flynedd.