SQE1 Cwestiynau enghreifftiol

Cwestiwn 13

Mae gan gwmni ddyddiad cyfeirio cyfrifyddu (accounting reference date) o 31 Rhagfyr. Dechreuodd fasnachu ym mis Ebrill, fel bod ei gyfnod cyfrifyddu cyntaf yn dod i ben ar 31 Rhagfyr yn ystod y flwyddyn y dechreuodd fasnachu. Yn ystod y cyfnod cyfrifyddu cyntaf hwn, ni wnaeth y cwmni elw masnachu na cholled fasnachu. Fodd bynnag, gwnaeth y cwmni enillion trethadwy o £75,000 ym mis Tachwedd wrth werthu eiddo rhydd-ddaliadol (freehold). Ni wnaeth y cwmni unrhyw golledion cyfalaf yn ystod y cyfnod cyfrifyddu cyntaf hwn.

Yn ei ail gyfnod cyfrifyddu, a ddaeth i ben ar 31 Rhagfyr yn y flwyddyn ganlynol, gwnaeth y cwmni golled fasnachu o £45,000. Ni wnaeth y cwmni enillion cyfalaf na cholled gyfalaf yn ystod yr ail gyfnod cyfrifyddu.

A oes modd i’r golled fasnachu o £45,000 a wnaed yn yr ail gyfnod cyfrifyddu gael ei rhoi yn erbyn yr enillion trethadwy o £75,000 o’r cyfnod cyfrifyddu cyntaf?

A. Oes, oherwydd na chafwyd unrhyw golledion masnachu na chyfalaf yn y cyfnod cyfrifyddu cyntaf.

B. Nac oes, gan mai dim ond yn erbyn elw masnachu o gyfnod cyfrifyddu cynharach y gellir gosod colled fasnachu.

C. Oes, gan fod yr enillion trethadwy wedi digwydd yn ystod y cyfnod o 12 mis a ddaeth i ben yn union cyn y cyfnod cyfrifyddu pan ddigwyddodd y golled fasnachu.

D. Nac oes, gan nad oedd y cwmni’n masnachu yn ystod y cyfnod o 12 mis llawn cyn y cyfnod cyfrifyddu pan ddigwyddodd y golled fasnachu.

E. Nac oes, gan fod modd cario colled fasnachu ymlaen a’i rhoi yn erbyn elw masnachu o gyfnod cyfrifyddu dilynol yn unig.