SQE1 Cwestiynau enghreifftiol

Cwestiwn 63

Mae cyngor lleol yn cyflwyno gwaharddiad ar blant oed ysgol rhag mynd i mewn i gaffis, canolfannau siopa a sinemâu rhwng 8am a 6pm ar ddiwrnodau ysgol. Nod y penderfyniad hwn yw lleihau lefelau uchel o driwantiaeth mewn ysgolion canol-y-ddinas. Fe’i gwneir o dan ddeddfwriaeth sy’n rhoi pwerau disgresiynol llawn i awdurdodau lleol gyflwyno mesurau sydd â’r nod o wella cyrhaeddiad addysgol ac fe’i cyflwynir heb ymgynghoriad cyhoeddus.

Mae’r penderfyniad hwn yn peri gofid i fusnesau lleol ac maen nhw’n gofyn am gyngor cyfreithiol. Mae llawer ohonynt yn dibynnu ar fasnach gan blant ysgol lleol, a chan fod gwersi ysgol yn dod i ben erbyn 3.30pm ni allant weld sut y gellir cyfiawnhau’r gwaharddiad tan 6pm. Nid oes unrhyw faterion hawliau dynol yn y fantol.

Pa un o’r datganiadau canlynol sy’n rhoi’r crynodeb gorau ar gyfer y sail y gellid ei defnyddio i herio’r penderfyniad hwn trwy adolygiad barnwrol (judicial review)?

A. Os nad yw’r penderfyniad yn rhoi digon o bwys i fuddiannau’r busnesau lleol.

B. Os nad yw’r penderfyniad yn arwain at welliant amlwg mewn cyrhaeddiad addysgol y plant ysgol lleol.

C. Os nad y penderfyniad hwn yw’r un mwyaf cost-effeithiol dan yr amgylchiadau.

D. Os yw’r penderfyniad yn mynd yn sylweddol y tu hwnt i’r hyn y mae awdurdodau lleol yn ei wneud mewn mannau eraill i fynd i’r afael â’r un mater.

E. Os yw’r penderfyniad mor warthus yn yr ystyr ei fod yn mynd yn groes i resymeg fel na allai unrhyw berson synhwyrol fod wedi ei wneud.