SQE1 Cwestiynau enghreifftiol

Cwestiwn 67

Mae menyw ('yr Hawlydd') yn cyfarwyddo cyfreithiwr i gyflwyno hawliad am iawndal (damages) yn erbyn cwmni o gynghorwyr ariannol ('y Diffynnydd') ar y sail ei fod wedi rhoi cyngor esgeulus iddi pan oedd hi'n gleient i'r cwmni. Mae gwerth yr hawliad yn fwy na £100,000.

Mae'r diffynnydd yn cyfarwyddo cyfreithiwr ac mae amddiffyniad yn cael ei ffeilio a'i gyflwyno. Ar yr un diwrnod ag y caiff yr amddiffyniad ei ffeilio a'i gyflwyno, mae cyfreithiwr y Diffynnydd yn gwneud cynnig Rhan 36 o £125,000 ('y Cynnig') ar ran ei chleient hi. Y cyfnod perthnasol ar gyfer derbyn y Cynnig yw 21 niwrnod.

Wythnos ar ôl i'r cyfnod perthnasol ddod i ben mae cyfreithiwr y Diffynnydd yn cwrdd mewn cynhadledd â'r Cwnsler (Counsel) i drafod yr achos. Bythefnos ar ôl i'r cyfnod perthnasol ddod i ben mae cyfreithiwr y Diffynnydd yn derbyn llythyr gan yr Hawlydd yn datgan nad oes ganddi gyfreithwyr sy'n gweithredu ar ei rhan mwyach. Mae ei llythyr hefyd yn cynnwys hysbysiad o dderbyn y Cynnig gyda chadarnhad bod ei hysbysiad o dderbyn hefyd wedi'i ffeilio gyda'r llys.

Pa un o'r datganiadau canlynol sy'n disgrifio'r canlyniadau mwyaf tebygol o safbwynt costau yn yr achos?

A. Bydd yr Hawlydd yn talu costau'r Diffynnydd yn yr achos ar y sail safonol.

B. Bydd yr Hawlydd yn talu costau'r Diffynnydd yn yr achos ar y sail indemniad.

C. Bydd y Diffynnydd yn talu costau'r Hawlydd ar y sail safonol hyd at ddiwedd y cyfnod perthnasol, ac wedi hynny bydd yr Hawlydd yn talu costau'r Diffynnydd ar y sail safonol.

D. Bydd y Diffynnydd yn talu costau'r Hawlydd yn yr achos ar y sail safonol.

E. Bydd y Diffynnydd yn talu costau'r Hawlydd ar y sail indemniad hyd at ddiwedd y cyfnod perthnasol, ac wedi hynny bydd yr Hawlydd yn talu costau'r Diffynnydd ar y sail indemniad.