SQE1 Cwestiynau enghreifftiol

Cwestiwn 19

Mae dyn yn cyfarwyddo ei gyfreithiwr i weithredu ar ei ran wrth brynu holl gyfalaf cyfrannau a roddwyd (issued share capital) cwmni cyfyngedig preifat gan gwmni arall. Mae’r cyfreithiwr yn cynghori ynghylch prynu’r cyfrannau ac yn helpu i baratoi a negodi (negotiate) yr holl ddogfennau angenrheidiol.

Nid yw’r cyfreithiwr na’i gwmni wedi’u hawdurdodi gan yr Awdurdod Ymddygiad Ariannol i gyflawni ‘gweithgaredd a reoleiddir’ fel y’i diffinnir yn Neddf Marchnadoedd a Gwasanaethau Ariannol 2000 ac is-ddeddfwriaeth gysylltiedig.

A yw’r cyfreithiwr wedi torri’r gwaharddiad (prohibition) cyffredinol yn erbyn cyflawni gweithgaredd a reoleiddir?

A. Do, gan fod y cyfreithiwr wedi rhoi cyngor ar brynu cyfrannau mewn cwmni penodol ac nid oes eithriad (exclusion) nac esemptiad (exemption) yn berthnasol.

B. Do, gan fod y trafodiad yn cynnwys prynu holl gyfalaf cyfrannau’r cwmni, ac nid oes eithriad (exclusion) nac esemptiad (exemption) yn berthnasol.

C. Naddo, gan fod eithriad (exclusion) yn berthnasol i gwmnïau proffesiynol sy’n cael eu goruchwylio gan yr Awdurdod Rheoleiddio Cyfreithwyr pan fyddant yn ymgymryd â gwaith corfforaethol.

D. Naddo, gan fod eithriad (exclusion) yn berthnasol os yw’r trafodiad yn ymwneud â phrynu unrhyw nifer o gyfrannau mewn cwmni cyfyngedig preifat.

E. Naddo, gan fod eithriad (exclusion) yn berthnasol os yw’r trafodiad yn cynnwys o leiaf 50% o’r cyfrannau pleidlais yn y cwmni.