SQE1 Cwestiynau enghreifftiol

Cwestiwn 34

Mae cwmni’n prynu drymiau o asid glanhau diwydiannol gan fenyw, ac yn eu storio yn ffatri’r cwmni. Nid yw’r drymiau’n addas ar gyfer storio’r asid, ac mae’r asid yn gollwng gan achosi difrod i lawr y ffatri.

Mae un o weithwyr y cwmni’n gweld bod hyn yn achosi difrod i’r llawr ond nid yw’n symud y drymiau. Gallai’r drymiau fod wedi cael eu symud heb gost i’r cwmni. Mae’r cwmni’n hawlio £5,000 sef cost trwsio’r llawr. Mae’r fenyw’n gwrthod talu’r swm hwnnw gan ddadlau y dylai’r iawndal (damages) sy’n daladwy fod yn is.

A fydd dadl y fenyw yn llwyddiannus?

A. Bydd, gan fod dyletswydd ar y cwmni i leihau ei golledion drwy symud y drymiau.

B. Bydd, gan fod y cwmni’n euog o esgeuluster cyfrannol (contributory negligence) drwy beidio â symud y drymiau.

C. Na fydd, gan fod yn rhaid i’r fenyw dalu iawndal i’r cwmni am yr holl golledion sy’n deillio o hyn.

D. Na fydd, gan fod yn rhaid i’r fenyw dalu iawndal i’r cwmni am yr holl golledion sydd o fewn ystyriaeth resymol (reasonable contemplation) y cwmni.

E. Bydd, gan fod toriad yn y gadwyn achosiaeth (chain of causation).