SQE1 Cwestiynau enghreifftiol

Cwestiwn 53

Mae dyn yn ymweld â chyfreithiwr. Mae’r dyn yn hysbysu’r cyfreithiwr ei fod yn gyfarwyddwr cwmni (‘y Cwmni’) lle mae’n cael ei gyflogi hefyd. Mae’n egluro bod y Cwmni yn eiddo llwyr i gwmni o’r Unol Daleithiau (‘y Rhiant’), a bod holl gyfarwyddwyr eraill y Cwmni yn swyddogion y Rhiant ac yn byw yn UDA. Mae’r dyn yn byw yn Lloegr.

Mae’r dyn yn egluro bod y Rhiant wedi gofyn i’r Cwmni brynu eiddo penodol yn Llundain (‘yr Eiddo’) y bydd y Cwmni yn gweithredu ohono er mwyn ehangu ei fusnes presennol.

Mae’r dyn yn egluro ymhellach fod bwrdd cyfarwyddwyr y Cwmni (‘y Bwrdd’) wedi cyfarfod i ystyried cais y Rhiant ac mae wedi penderfynu bwrw ymlaen â phrynu’r Eiddo gan eu bod wedi penderfynu y byddai pryniant o’r fath yn hyrwyddo llwyddiant y Cwmni. Gofynnir i’r cyfreithiwr roi cyngor ar brynu’r Eiddo.

Pa un o’r datganiadau canlynol sy’n rhoi’r eglurhad gorau o pwy yw cleient y cyfreithiwr?

A. Y Rhiant, gan fod y Cwmni o dan berchnogaeth lwyr iddo.

B. Y dyn, gan mai ef yw cyfarwyddwr y Cwmni sy’n byw yn Lloegr.

C. Y Cwmni, gan mai’r Cwmni fydd yn prynu’r Eiddo.

D. Y Rhiant, gan mai’r Rhiant sydd wedi gofyn i’r Cwmni brynu’r Eiddo.

E. Y Bwrdd, gan mai’r Bwrdd sydd wedi penderfynu bwrw ymlaen â phrynu’r Eiddo.