SQE1 Cwestiynau enghreifftiol

Cwestiwn 16

Yn dilyn cyfres o ffrwydradau terfysgol yng nghanol Llundain, rhoddodd y llywodraeth bwerau uchelfreiniol brys (emergency prerogative powers) ar waith. Roedd y pwerau hyn yn galluogi’r llywodraeth i gymryd rheolaeth dros adeiladau masnachol a ddifrodwyd yn y ffrwydradau. Roedd y pwerau hefyd yn galluogi’r llywodraeth i wrthod mynediad i feddianwyr (occupiers) i’r adeiladau hynny tra bo timau fforensig yn ymgymryd â’r broses hir o gasglu tystiolaeth.

Gan gydnabod yr effaith ar feddianwyr adeiladau o’r math yma, pasiodd Senedd y Deyrnas Unedig ddeddfwriaeth i greu cynllun digolledu (compensation) a fyddai’n galluogi’r bobl hynny sydd wedi cael eu heffeithio i hawlio costau a cholledion tra bo’r adeiladau hynny o dan reolaeth y llywodraeth.

Er gwaethaf y ddeddfwriaeth newydd hon, mae’r llywodraeth yn parhau i ddefnyddio’r pwerau uchelfreiniol er mwyn osgoi talu digollediad o’r fath o dan y cynllun statudol.

Pa un o’r datganiadau canlynol sy’n rhoi’r crynodeb gorau o’r sefyllfa gyfreithiol?

A. Pan fo gorgyffwrdd rhwng pŵer uchelfreiniol a statud, nid yw’r naill yn drech na’r llall (neither prevails); mae’r llysoedd yn troi at y gyfraith gyffredin am arweiniad.

B. Pan fo gorgyffwrdd rhwng pŵer uchelfreiniol a statud, y statud sydd drechaf (prevails).

C. Pan fo gorgyffwrdd rhwng pŵer uchelfreiniol a statud, y pŵer uchelfreiniol sydd drechaf (prevails).

D. Pan fo gorgyffwrdd rhwng pŵer uchelfreiniol a statud, gall y barnwr sy’n delio â’r mater droi at drafodaethau yn Senedd y Deyrnas Unedig i gael arweiniad.

E. Pan fo gorgyffwrdd rhwng pŵer uchelfreiniol a statud, gall y barnwr sy’n delio â’r mater droi at lys uwch i gael arweiniad.