SQE1 Cwestiynau enghreifftiol

Cwestiwn 37

Mae cyfreithiwr yn cynghori cleient ar gontract cyflogaeth ynglŷn â swydd a gynigiwyd i’r cleient mewn cwmni newydd (start-up company). Ar hyn o bryd mae’r cleient mewn swydd barhaol mewn cwmni sydd wedi’i hen sefydlu.

Y diwrnod canlynol, dros ginio yn y clwb golff, mae’r cyfreithiwr yn eistedd wrth ymyl person mae’n ei adnabod rywfaint. Mae’r person hwnnw’n dweud wrth y cyfreithiwr ei fod yn poeni bod y busnes y mae’n gweithio iddo am fethu’n ariannol am fod ei brif gwsmer am fynd i ddwylo’r derbynnydd (taken into receivership) yn fuan. Yna mae’n dweud wrth y cyfreithiwr beth yw enw’r busnes y mae’n gweithio iddo. Er syndod i’r cyfreithiwr, drwy gyd-ddigwyddiad, y cwmni newydd yw hwn.

A oes dyletswydd ar y cyfreithiwr i roi gwybod i’r cleient am y pryderon ynglŷn â rhagolygon ariannol y cwmni newydd?

A. Nac oes, oherwydd cafwyd yr wybodaeth yn ystod bywyd personol y cyfreithiwr ac felly nid yw’n effeithio ar ei ddyletswyddau proffesiynol

B. Nac oes, gan fod y ddyletswydd cyfrinachedd yn drech na (overrides) y ddyletswydd i ddatgelu.

C. Nac oes, gan fod rhaid cadw gwybodaeth a geir gan gleientiaid yn gyfrinachol oni bai bod y gyfraith yn mynnu neu’n caniatáu datgeliad (disclosure) neu os bydd y cleient yn caniatáu hynny.

D. Oes, gan fod yr wybodaeth yn berthnasol i fater y cleient.

E. Oes, gan fod y ddyletswydd i ddatgelu yn drech na (overrides) y ddyletswydd cyfrinachedd.